12.10.2026 | 22:36
Քննարկվել են Հայաստանի Կարմիր խաչի և Իրանի Կարմիր մահիկի ընկերությունների միջև համագործակցության խորացման հարցեր
Airbus-ը կարող է սնանկանալ. ընկերությունն արդեն մեկ երրորդով կրճատել է օդանավերի արտադրությունը
Քաղաքականություն
27.04.2020 | 21:45
Airbus ավիաշինարարական ընկերության ղեկավար Գիյոմ Ֆորին աշխատակիցներին զգուշացրել է, որ կորոնավիրուսի համաճարակի պատճառով ծախսերի կրճատումներ են սպասվում: Այս մասին գրում է ՏԱՍՍ-ը՝ վկայակոչելով Reuters-ը: Գործակալության տրամադրության տակ է հայտնվել ընկերության ղեկավարի՝ աշխատակիցներին հասցեագրված նամակը:
«Մենք աննախադեպ արագությամբ գումարներ ենք կորցնում, ինչը կարող է սպառնալ նույնիսկ մեր ընկերության գոյությանը»,- ասված է նամակում:
Airbus-ի ղեկավարը նշել է, որ անհրաժեշտ է անհապաղ կրճատել ծախսերը՝ ընկերությունը փրկելու համար:
Մինչ այս, կորպորացիան արդեն մեկ երրորդով կրճատել է ուղևորատար օդանավերի արտադրությունը: Չի բացառվում, որ առաջիկայում նաև աշխատակազմի կրճատումներ կլինեն:
