22.05.2026 | 08:56
Սուտ է, Google-ի գոյութան ողջ ընթացքում Տիգրանաշենի անունն այդպես է եղել. Փաշինյան․ ՏԵՍԱՆՅՈՒԹ
«Հարգում ենք Եղեռնի զոհերի հիշատակը»․ Օնտարիոյի վարչապետ
Քաղաքականություն
24.04.2020 | 21:01
Կանադայի հայ համայնքին ուղերձ է հղել Կանադայի Օնտարիո նահանգի վարչապետ Դագ Ֆորդը Հայոց ցեղասպանության 105-րդ տարելիցին նվիրված հայտարարություն է արել։ Այս մասին տեղեկացնում է Տորոնտոյի հայ համայնքի Torontohye կայքը։
Օնտարիոյի վարչապետը մասնավորապես նշել է. «Ինձ համար մեծ պատիվ է ողջունել հայ համայնքի անդամներին և բոլոր նրանց, ովքեր հարգում են 1915 թվականի Հայոց ցեղասպանության զոհերի հիշատակը։ Ցանկանում եմ երախտագիտություն հայտնել Տորոնտոյում Հայոց ցեղասպանության զոհերի հիշատակի կոմիտեին՝ այս կարևոր իրադարձության մասին իրազեկվածությունը բարձրացնելու համար: Այսօր մենք հարգում ենք Մեծ եղեռնի զոհերի հիշատակը։ Մենք սգում ենք նրանց համար, ովքեր ողբերգական կերպով զոհվել են պատմության այդ մութ ժամանակահատվածում, և հիշում ենք նրանց, ովքեր արտաքսվել են իրենց տներից։ Այս առիթը խիստ հիշեցում է՝ հետագայում այնպիսի աշխարհ կառուցելու անհրաժեշտության, որը զերծ է բռնությունից և անարդարությունից: Ես սա ասում եմ որպես վարչապետն այն նահանգի , որն արժևորում է իր բազմազանությունը և մեծ նշանակություն է տալիս խաղաղ ու ներդաշնակ հասարակության ստեղծմանը»։
Հավելենք, որ 2002 թվականին Կանադայի Սենատը Հայոց ցեղասպանությունը ճանաչող որոշում է ընդունել։
Հայոց ցեղասպանությունը ճանաչել են Կանադայի Օնտարիո, Քվեբեկ և Բրիտանական Կոլումբիա նահանգները։
