21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Ու՞մ անուններն են շրջանառվում Առաջին ալիքի «Լուրերի» տնօրենի պաշտոնում
21.04.2020 | 16:25
Առաջին ալիքի «Լուրեր» ծրագրի տնօրենի պաշտոնում այս պահին շրջանառվում է «Ազատություն TV»-ի հաղորդավար-լրագրող Կարլեն Ասլանյանի անունը:
Այս տեղեկության վերաբերյալ Կարլեն Ասլանյանը Factor.am-ին փոխանցեց. «Ընդհանրապես սկզբունքորեն չեմ մեկնաբանում նման լուրերը»:
«Լուրերի» տնօրենի պաշտոնում շրջանառվում է նաև Արայիկ Մանուկյանի անունը: Նա նախկինում եղել է Հանրային հեռուստատեսության լրատվական ծառայության և «Լրաբեր» լրատվական ծրագրի տնօրենը:
Արայիկ Մանուկյանը Factor.am-ի հետ զրույցում ասաց, որ իր հետ նման թեմա չի քննարկվել, և որ այդ պաշտոնը իր համար անցած պատմություն է։
Հիշեցնենք, որ այսօր հայտնի դարձավ, որ «Լուրերի» տնօրեն Պետրոս Ղազարյանը աշխատանքից ազատվելու դիմում է ներկայացրել: Պատճառը Նիկոլ Փաշինյանի ուղերձի «եթերից դուրս» մնացած կադրերի արտահոսքն էր: Նույն պատճառով պաշտոնանկ եղան նաև «Առաջին ալիքի» գործադիր տնօրեն Մարգարիտա Գրիգորյանը և ստեղծագործական տնօրեն Վարդան Հակոբյանը:
Նարեկ Կիրակոսյան
