30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Կանադայում հրաձգության հետևանքով զոհերի թիվը հասել է 19-ի
Քաղաքականություն
20.04.2020 | 21:40
Կանադայի Նոր Շոտլանդիա նահանգում հրաձգության զոհերի թիվը հասել է 19-ի: Ավելի վաղ հաղորդվել է 17 զոհի մասին: Այս մասին գրում է ՏԱՍՍ-ը՝ վկայակոչելով CTV-ն:
Միաժամանակ, ազգային ոստիկանության կոմիսար Բրենդա Լաքին հայտարարել է, որ հետաքննությունը շարունակվում է, և չի բացառվում, որ կարող են հանցագործության այլ զոհեր հայտնաբերվել:
51-ամյա Գաբրիել Ուորթմանը կիրակի գիշերը Պորտալիք քաղաքում կրակ է բացել մարդկանց ուղղությամբ, այնուհետև՝ նաև Պորտալիքից 90 կմ շառավղով մի շարք այլ բնակավայրերում:
Հանցագործին կալանավորելու՝ 12 ժամ տևած գործողության արդյունքում զոհվել է Կանադական թագավորական հեծելազորային ոստիկանության մի աշխատակցուհի, ևս մի ոստիկան վիրավոր է:
Նշվում է, որ Ուորթմանը ոստիկանական համազգեստով է եղել և տեղաշարժվել է պարեկային ավտոմեքենայով, սակայն իրավապահ մարմինների աշխատակից չէ: Նախապես հայտարարվել էր, որ հանցագործը ձերբակալվել է, սակայն ավելի ուշ հաղորդվել է, որ նա սպանվել է Էնֆիլդ քաղաքում իրավապահների հետ տեղի ունեցած փոխհրաձգության ժամանակ:
Ուորթմանի գործողությունների շարժառիթը հայտնի չէ: Ոստիկանությունում հաղորդել են, որ նա ծանոթ է եղել զոհերից մի քանիսի հետ: Միաժամանակ, ահաբեկչության մասին առայժմ չի հաղորդվում:
