21.06.2026 | 13:46
Ինչո՞ւ է հնարավոր չէ կարկուտը ճշգրիտ կանխատեսել․ պարզաբանում է Լևոն Ազիզյանը
Իսպանիայի վարչապետը խոստացել է ապրիլի 27-ից մեղմել երեխաների կարանտինը
Քաղաքականություն
19.04.2020 | 22:00
Իսպանիայում, կորոնավիրուսային համավարակով պայմանավորված, մարտի 14-ից պարտադիր ինքնամեկուսացման ռեժիմ է։ Վարչապետ Պեդրո Սանչեսն այսօր հայտարարել է, որ նպատակ ունի ապրիլի 27-ին սահմանափակումները մեղմել, որպեսզի երեխաները կարողանան «մի քիչ մաքուր օդ շնչել»: Այս մասին հայտնում է BBC-ն։
Սանչեսի որոշումը հաջորդել է Բարսելոնայի քաղաքապետ Ադա Կոլաուի հայտարարությանը, թե ինքն էլ փոքր երեխաներ ունի, և Կառավարությանը խնդրում է թույլ տալ նրանց տանից դուրս տանել։
BBC-ի փոխանցմամբ՝ տեղի ունեցած ճեպազրույցում Սանչեսը հայտարարել է, որ Իսպանիայի համար ամենածայրահեղ պահերն ու համավարակի դաժան հարձակումն անցյալում են:
Հավելենք, որ վերջին տվյալներով՝ Իսպանիան կորոնավիրուսի վարակակիրների թվով երկրորդ տեղում է։ Այնտեղ վարակման 195.944 և մահվան 20.453 դեպք է գրանցվել։ Ապաքինվածների թիվը երկրում 77.357 է։
Նելլի Մելքոնյան
