15.12.2025 | 15:43
ՀՀ ԱԳ նախարարի տեղակալը հանդիպել է ՄԱԿ-ի Քաղաքակրթությունների դաշինքի բարձր ներկայացուցչի հետ
Ֆրանսիայում կորոնավիրուսով հոսպիտալացվածների թիվը նվազում է
Քաղաքականություն
19.04.2020 | 21:29
Վերջին 24 ժամում Ֆրանսիայում կորոնավիրուսով վարակված 395 քաղաքացի է մահացել։ Դրան զուգահեռ՝ նվազում է նոր հոսպիտալացումների թիվը։ Այս մասին հայտնում է France 24-ը։
Մահվան նոր դեպքերից 227-ը հիվանդանոցներում է գրանցվել, 168-ը ՝ ծերանոցներում։
Ֆրանսիայի Աողջապահության գլխավոր վարչության տնօրեն Ժերոմ Սալոմոնի փոխանցմամբ՝ երկրում կորոնավիրուսից մահացածների ընդհանուր թիվը 19.718-ի է հասել։ Պաշտոնյան նաև նշել է, որ վերակենդանացման բաժանմունքում գտնվող հիվանդների թիվը 11-րդ օրն անընդմեջ նվազել է՝ հասնելով 5.744-ի։ Մարտի 30-ից ի վեր սա ամենացածր թիվն է։
Հավելենք, որ վերջին տվյալներով՝ Ֆրանսիայում կորոնավիրուսի վարակակիրների թիվը 152.578-ի է հասել։
Նելլի Մելքոնյան
