05.03.2026 | 15:31
ՆԱՏՕ-ն չի մասնակցում Իրանի դեմ ռազմական գործողությանը, բայց պատրաստ է պաշտպանել դաշինքի տարածքի «յուրաքանչյուր թիզը». Ռյուտե
Կիևը՝ ամենաաղտոտված օդն ունեցող 3-րդ քաղաքը աշխարհում. մեծացել է վնասակար նյութերի կոնցենտրացիան
Քաղաքականություն
18.04.2020 | 20:59
Լուրեր
05.03.2026 | 15:25
Ֆիշինգային հարձակում ՔԿՀ-ների դեմ // Իրանական ԱԹՍ-ն հարվածել է Նախիջևանին․ ԼՈՒՐԵՐ
05.03.2026 | 15:05
Ինչու է ոստիկանությունը հսկում Մասյացոտնի թեմը. Փաշինյանի պարզաբանումը․ ՏԵՍԱՆՅՈՒԹ
Ուկրաինայի մայրաքաղաք Կիևի և մարզի էկոհամակարգերում օրական գրանցվում է 37 հրդեհ, որոնց մարմանը լծված է 1000-ից ավելի հրշեջ, տեղեկացրել են մայրաքաղաքային իշխանությունները։ DW-ի ռուսական ծառայության փոխանցմամբ՝ ֆորմալդեհիդի, ծծմբի երկօքսիդի և ազոտի կոնցենտրացիայի առավելագույն թույլատրելի չափն արդեն իսկ գերազանցվել է։
Կիևի իշխանությունները բնակիչներին կոչ են արել առանց ծայրահեղ անհրաժեշտության դուրս չգալ փողոց, փակ պահել բնակարանների պատուհանները։ Տեղական իշխանության տվյալներով՝ մայրաքաղաքում և մարզում ճառագայթման ֆոնը մնում է նորմայի սահմաններում։
Ապրիլի 18-ի ժամը 15։00-ի դրությամբ՝ աղտոտված օդ ունեցող քաղաքների շարքում Կիևը երրորդն է։ Ըստ Օդի որակի համաշխարհային վարկանիշի՝ առանձին ժամերի օդի աղտոտվածությունը Կիևում կազմել է 151 միավոր։
Մյանմարի նախկին մայրաքաղաք Յանգոնում այդ միավորը 156 է, Ինդոնեզիայի մայրաքաղաք Ջակարտայում՝ 154, Չինաստանի մայրաքաղաք Պեկինում՝ 117, իսկ հնդկական Նյու Դելիում՝ 93։
Ուկրաինայի ՆԳ գործերի նախարար Արսեն Ավակովը մայրաքաղաքի օդի աղտոտվածության հիմնական պատճառ է նշել Ժիտոմիրի շրջանի անտառային հրդեհները։ Նրա խոսքով՝ հազարի հասնող մարդիկ հրդեհների մարումն իրականացրել են տասնյակ հատուկ սարքավորումների ու ինքնաթիռների օգնությամբ։
Մի քանի օր առաջ էլ Չեռնոբիլի ատոմակայանի մեկուսացման գոտուց հրդեհի ծուխը հասել է Կիև։ Ուկրաինայի մայրաքաղաքում ու մարզում հրդեհը սկսվել էր ապրիլի 4-ից և քամու միջոցով տարածվել։ Ուկրաինայի արտակարգ իրավիճակների պետական ծառայությունը տեղեկացնում է, որ Չեռնոբիլի ատոմակայանի մեկուսացման գոտում ճառագայթման ֆոնը նորմայի սահմաններում է։
