18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Այսուհետ ՌԴ քաղաքացիություն կարելի է ստանալ՝ առանց սեփական քաղաքացիությունց հրաժարվելու․ ՌԻԱ Նովոստի
Քաղաքականություն
17.04.2020 | 20:12
ՌԴ Պետդուման այսօրվա կայացած լիագումար նիստում ընդունել է օրենք, որը թույլ է տալիս դիմել Ռուսաստանի քաղաքացիություն ստանալու համար՝ առանց հրաժարվելու այլ երկրի քաղաքացիությունից: Այս մասին հայտնում է ՌԻԱ Նովոստին։
Աղբյուրի փոխանցմամբ՝ օրենքի նախագիծն առաջարկում է չեղարկել այն պահանջը, ըստ որի, Ռուսաստանի քաղաքացիություն ստանալու համար պետք է դիմել օտարերկրյա պետության լիազոր մարմնին` քաղաքացիությունից հրաժարվելու համար։ Նման կանոն առաջարկվում է կիրառել նաև այն օտարերկրացիների համար, ովքեր ամուսնացած են ՌԴ-ում բնակվող Ռուսաստանի քաղաքացու հետ և այդ ամուսնությունից ունեն երեխաներ, ինչպես նաև այն օտարերկրացիների համար, որոնց ծնողներից մեկն ունի ՌԴ քաղաքացիություն և բնակվում է Ռուսաստանում։
Բացի այդ, ըստ օրինագծի՝ Ռուսաստանի քաղաքացիություն ստանալու համար դիմում ներկայացնելիս, Ռուսաստանում աշխատանքային գործունեության եռամյա ժամկետի պահանջը կրճատվել է` դառնալով մեկ տարի։
Նախաձեռնության համաձայն՝ Ռուսաստանի քաղաքացիություն ստանալու դիմումը կդյուրացվի նաև Մոլդովայի, Ուկրաինայի, Բելառուսի և Ղազախստանի քաղաքացիների համար։ Կացության վավեր թույլտվություն ունենալու դեպքում, նրանք կկարողանան դիմել Ռուսաստանի քաղաքացիություն ստանալու համար ՝ առանց Ռուսաստանում բնակության ժամկետը պահպանելու։
Նելլի Մելքոնյան
