20.01.2026 | 18:10
Հայաստանի և Ադրբեջանի համատեղ ջանքերով կհասնենք հավերժական խաղաղության Կովկասում. սա է մեր նպատակը. Ալիև
Փասադենայում կբացվի հայերեն ուսուցանող վարժարան
Հասարակություն
17.04.2020 | 19:41
«Մելգոնեան համաշխարհային նախաձեռնության» հայաստանյան գրասենյակից տեղեկացնում են, որ ԱՄՆ Կալիֆոռնիա նահանգի Փասադենա քաղաքի դպրոցների միասնական շրջանային խորհուրդը հավանություն է տվել հայկական նոր, հայերեն և անգլերեն լեզուներով ուսուցում ապահովող երկրորդական վարժարանի (9-12-րդ դասարաններ) հիմնադրման նախաձեռնությանը:
Վարժարանը, որի բացման համար վերջին ամիսներին համայնքի ակտիվ գործիչները երկարատև աշխատանք են իրականացրել, կգործի 2020-2021 ուսումնական տարվանից և կկրի Մելգոնեան երկրորդական վարժարան անունը:
Վարժարանի աշակերտները հնարավորություն կունենան սովորել արևելահայերեն, արևմտահայերեն, ինչպես նաև ուսումնասիրել հայոց պատմության, հայ գրականության ու մշակույթի վերաբերյալ առարկաներ: Վարժարանի հիմնադրման աշխատանքների համահեղինակ, «Մելգոնեան համաշխարհային նախաձեռնության» նախագահ Արսինե Շիրվանյանը նշեց, որ այս քայլով նպատակ ունեն փակել համայնքում առկա կրթական բացը, որն առաջացել է ՀԲԸՄ-ի կողմից Փասադենայի «Վաչէ և Թամար Մանուկեան» վարժարանի փակումից հետո:
