10.08.2026 | 14:37
ՌԴ-ում ձերբակալում են ռուս զինվորականների գերեզմանները լուսանկարողներին
«Կես միլիոն դոլար գումար է գոյացել»․ Զարեհ Սինանյանը՝ Հայաստան բերված օգնության ֆինանսավորման մասին. ՏԵՍԱՆՅՈՒԹ
Հասարակություն
17.04.2020 | 16:24
Միացանք մեր Պաշտպանության նախարարության և ՄԱԿ-ի Պարենի համաշխարհային ծրագրին ու փորձեցինք գոյացնել այն ֆինանսավորումը, որը հնարավոր կդարձներ Չինաստան-Հայաստան թռիչքը, որն իր հետ բերեց մեծ քանակությամբ բժշկական սարքավորումներ։ Այս մասին այսօր հրավիրված ասուլիսի ընթացքում նշեց Հայաստանում Սփյուռքի գործերի գլխավոր հանձնակատար Զարեհ Սինանյանը։
«Մեր գործընկերները և սփյուռքի կազմակերպությունները սիրահոժար մասնակցեցին, որի արդյունքում կարողացանք գոյացնել կես միլիոն դոլար հաստատված և 50 հազար դեռ հաստատման փուլում գտնվող գումար»,- ասաց Զարեհ Սինանյանը։
Նա նաև ներկայացրեց այն կազմակերպությունները, որոնք մասնակցել են նշված ֆինանսական միջոցների գոյացմանը․ «Էդուարդո Էռնեկյանի ըներություններից «Արմենիա» միջազգային օդանավակայանները, Կոնվերս բանկը և «Կարաս» գինիները, Գալուստ Կյուլպենկյան հիմնարկությունը, «Սուրբ Սարգիս» մարդասիրական հիմնադրամը, ՀԲԸՄ-ն, ինչպես նաև «Իզմիրլյան» հիմնադրամը։
Բնական է՝ թռիչքի մի մասը ֆինանսավորում էր ՄԱԿ-ի Պարենի համաշխարհային ծրագիրը, մենք փակեցինք ծախսերի մոտ կեսը, իսկ մնացած գումարները հատկացվեցին «Իմ քայլը» հիմնադրամից ու պետական ռեսուրսներից»։
Մանրամասները՝ տեսանյութում։
Նելլի Մելքոնյան
