17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Սերժ Սարգսյանին տրամադրվել է ԱԺ նախագահի մուտքը, որ նա այդպես մտնի. Արարատ Միրզոյան. ՏԵՍԱՆՅՈՒԹ
Քաղաքականություն
17.04.2020 | 16:21
Ես գիտեմ, որ Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովն իսկապես շատ լավ է աշխատում և բոլոր հնարավոր մանրամասների մեջ խորանում է այնքան, որքան դա հնարավոր է: Շատ մանրամասն հանձնաժողովի աշխատանքներից, բնականաբար, տեղյակ չեմ, բայց ընդհանուր գծերով գիտեմ: Այդ մասին այսօր խորհրդարանում լրագրողներին ասաց ԱԺ նախագահ Արարատ Միրզոյանը։
Նա հույս հայտնեց, որ երբ հանձնաժողովի աշխատանքներն ավարտվեն, ժամկետը սպառվի, ամբողջական տեղեկատվություն հանրությունը կստանա:
Factor.am-ի դիտարկմանը, թե ԱԺ նախագահը երեկ չդիմավորեց հանձնաժողովի նիստին մասնակցելու եկած Սերժ Սարգսյանին, Միրզոյանն ասաց, որ նրանք հանդիպում են անցկացրել մինչև ուշ երեկո, հրավերը եղել է հանձնաժողովի կողմից:
Նա շեշտեց՝ վստահ է, որ հանձնաժողովը պատշաճ կազմակերպել է և դիմավորումը, և ճանապարհումը: ԱԺ նախագահն նշեց, որ իրենք կազմակերպել են Սերժ Սարգսյանի մուտքը մեքենայով դեպի խորհրդարան:
«Գիտեք, որ ԱԺ նախագահի համար առանձին մուտք և առանձին միջանցք կա՝ անվտանգության նկատառումներից ելնելով: Սերժ Սարգսյանին հնարավորություն է տրվել հենց այդ մուտքով ու միջանցքով գնալ: Ինչ անհրաժեշտ է եղել՝ արվել է»,- մանրամասնեց Միրզոյանը։
Անդրադառնալով Սերժ Սարգսյանի հայտարարությանը, թե պատրաստվում է արտակարգ դրությունից հետո ասուլիս հրավիրել և պատասխանել Ապրիլյան պատերազմի վերաբերյալ բոլոր հարցերին՝ Միրզոյանն ասաց․ «Ես ի՞նչ իմանամ, թե ինչ է ուզում ասել Սերժ Սարգսյանը. ամեն դեպքում՝ ՀՀ-ն ազատ և ժողովրդավարական պետություն է, այստեղ ցանկացած ոք ցանկացած պահի կարող է հանդիպել լրատվամիջոցներին ու ներկայացնել իր կարծիքը տարբեր հարցերի շուրջ»:
Մանրամասները՝ տեսանյութում:
Մերի Մարտիրոսյան
