04.07.2026 | 07:40
ԱԱ-2026. Հայտնի են 1/8 եզրափակիչի բոլոր զույգերը
Մաքսային նոր արտոնություններ՝ հայրենադարձվող քաղաքացիների համար․ Սիսակ Գաբրիելյան. ՏԵՍԱՆՅՈՒԹ
Հասարակություն
17.04.2020 | 16:06
Վերջին 1,5 տարվա ընթացքում առնվազն մեկ տարի ՀՀ-ում չգտնվող քաղաքացիները իրավունք կստանան վերադառնալ ՀՀ՝ ներկրելով մինչև 5000 եվրո արժողությամբ անձնական իրերը՝ բացառությամբ տրանսպորտային միջոցների։ Նրանք նաև հնարավորություն կունենան 5000 եվրո արժողությամբ նոր ապրանքներ գնել ու վերադառնալ հայրենիք։
Այս փոփոխությունները նախատեսող «Մաքսային կարգավորման մասին» օրինագիծը Ազգային ժողովում ընդունվեց երկրորդ ընթերցմամբ և ամբողջությամբ՝ միաձայն՝ 107 ձայներով։
«Եթե վերջին հինգ տարվա ընթացքում 1835 օրվա ընթացքում առնվազն 915 օր առնվազն բացակայել եք ՀՀ-ից, օրենքի ընդունման դեպքում կկարողանաք անձնական օգտագործման գույքն առանց 5000 եվրո սահմանաչափի ներկրել ՀՀ՝ կառավարության կողմից սահմանված բնաիրային չափերով։ Կարող եք ձեզ հետ ներկրել անձնական օգտագործման տրանսպորատային միջոցը, եթե այն Հայաստան վերադառնալուց առնվազն վեց ամիս հանդիսացել է ձեր սեփականությունը», – ներկայացրեց նախագծի հեղինակ, «Իմ քայլը» խմբակցության պատգամավոր Սիսակ Գաբրիելյանը։
Պատգամավորը նշեց, որ այս նոր արտոնություններով քաղաքացիները կարող են ՀՀ վերադառնալ արդեն անմիջապես կորոնավիրուսի հետ կապված սահմանափակումները վերանալուց և սահմանները բացվելուց հետո։
Մանրամասները՝ տեսանյութում:
