11.06.2026 | 23:30
Սարգիս Սարգսյանը սահմանափակ կարողություններ ունեցող շախմատիստների ԱԱ-ի առաջատարների թվում է
Մոտ 525 հազար վարկ է հետաձգվել․ բանկերն աշխատում են գերծանրաբեռնված․ ԿԲ նախագահի թեկնածու. ՏԵՍԱՆՅՈՒԹ
Տնտեսություն
16.04.2020 | 15:56
Գյուղատնտեսական վարկերի և սպառողական վարկերի ֆինանսավորման հարցերում ուշացումներ են լինում առևտրային բանկերի կողմից։ Այս մասին այսօր Ազգային ժողովի նիստում ԿԲ նախագահի ընտրության քննարկման ժամանակ հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը։
«Առևտրային բանկերը, կարծես թե, բյուրոկրատական քաշքշուկներ են ստեղծում, հասկանալի է՝ բանկն էլ ունի իր ռիսկը, բայց ի՞նչ է անելու կենտրոնական բանկը, որպեսզի ռեալ սեկտորի վարկավորումը չձգձգվի՝ հաշվի առնելով ֆորսմաժորային իրավիճակը»,- հարց ուղղեց պատգամավորը ԿԲ նախագահի թեկնածու Մարտին Գալստյանին։
Վերջինս նշեց, որ այսօր բանկերը աշխատում են գերծանրաբեռնված, մարդկանց գերակշիռ մասն աշխատում է տնից, սակայն այս պահի դրությամբ մոտավորապես 525 հազար վարկ է հետաձգվել: «Գյուղվարկերի հետ կապված 1126 վարկի հայտ է հաստատվել, ու տրվել է մոտավորապես 12 մլրդ դրամ գումար։ Պետք է նայենք, որ եռակողմ են հարաբերությունները, մենք ամեն օր ունենում ենք տեսակապ, բանկերի հետ քննարկվում է կառավարությունից եկող ազդակները ու բանկերի կողմից ազդակները կառավարության հետ, ու մենք այդտեղ կամուրջի ֆունկցիա ենք կատարում, փորձում ենք ընդհանուր ծրագրի էֆեկտիվությունը բարձրացնենք»,- մասնավորապես նշեց Գալստյանը։
Մանրամասները՝ տեսանյութում։
