11.06.2026 | 23:30
Սարգիս Սարգսյանը սահմանափակ կարողություններ ունեցող շախմատիստների ԱԱ-ի առաջատարների թվում է
Բարձր աշխատավարձով առաջարկ են ստանում, գնում են․ Շատ բանիմաց աշխատողների կորցրել ենք․ Մարտին Գալստյան. ՏԵՍԱՆՅՈՒԹ
Տեսանյութեր
16.04.2020 | 13:58
«Իմ քայլը» խմբակցության պատգամավոր Սուրեն Գրիգորյանն այսօր Ազգային ժողովում հարց ուղղեց Կենտրոնական բանկի նախագահի թեկնածու Մարտին Գալստյանին՝ ԿԲ աշխատակիցների աշխատավարձերի վերաբերյալ:
«Մենք գիտենք, որ որոշակի օրենսդրական կարգավորում ունենք, որքանո՞վ է այդ երաշխիքը բավարար գործնականում ԿԲ-ում որակյալ կադրեր ունենալու համար»,- նշեց պատգամավորը։
ԿԲ նախագահի թեկնածուն, պատասխանելով հարցին, ընդգծեց․ միֆ է, որ կենտրոնական բանկում բոլորը «չաղ են և հարուստ»:
«Օրենքն ասում է, որ Կենտրոնական բանկի աշխատողների աշխատավարձը չպետք է ավելի ցածր լինի, քան մասնավորինը, սակայն վերջին տարիներին մենք այստեղ շեղում ունենք։ Մենք 2 տարվա ընթացքում բավականին մեծ թվով բանիմաց ու փորձառու մարդկանց կորցրել ենք հենց այդ պատճառով։ Մարդկանց կեսը կենտրոնական բանկից դուրս է գալիս այն պատճառով, որ առևտրային բանկում ստանում է մի քանի անգամ ավելի գումար»,- մասնավորապես նշեց Մարտին Գալստյանը։
Մանրամասները՝ տեսանյութում։
