11.06.2026 | 23:30
Սարգիս Սարգսյանը սահմանափակ կարողություններ ունեցող շախմատիստների ԱԱ-ի առաջատարների թվում է
Կրիպտոարժույթների հետ կապված կան թաքնված և բացահայտ ռիսկեր․ ԿԲ նախագահի թեկնածու. ՏԵՍԱՆՅՈՒԹ
Տնտեսություն
16.04.2020 | 13:14
Նախկինում ԿԲ-ն կրիպտոարժույթներին վերաբերում էր որպես ժանտախտի պես ինչ-որ բանի և ամեն կերպ փորձում էր խուսափել, հեռու մնալ, բայց աշխարհը զարգանում է։ Այս մասին այսօր Ազգային ժողովում նշեց «Լուսավոր Հայաստան» խմբակցության պատգամավոր Գևորգ Գորգիսյանը։
«Կարծում եմ անխուսափելի է կրիպտոարժույթի հետագա զարգացումը։ Ի՞նչ տեսլական ունեք այս ոլորտի հետ կապված»,- ԿԲ նախագահի թեկնածու Մարտին Գալստյանին հարց ուղղեց պատգամավորը։
«Կրիպտոարժույթների հետ կապված պետք է հասկանանք կրիպտոարժույթ ասելով ինչ նկատի ունենք, եթե նկատի ունենք կրիպտոարժույթի խորքում եղած տեխնոլոգաների՝ այսինքն՝ բլոքչեյնի կիրառումը, հենց այսօր էլ պատրաստ ենք այդ տեխնոլոգիաները որոշակի գործառույթներում տեղավորել, օրինակ, կարող է շատ հանգիստ տեղավորվել վարկային ռեգիստրի գործառույթի մեջ։ Ինչ վերաբերում է կոնկրետ կրիպտոարժույթներին, չէի ասի ժանտախտի պես ենք վերաբերում, բայց կուզեի ավելի շատ բան հասկանայինք ու հասկանայինք այն ռսկերը, որի պատճառով աշխարհի բոլոր կենտրոնական բանկերը խուսանավում են դրա վերաբերյալ առարկայական բանավեճ ունենալ։ Կան թաքնված և բացահայտ ռիսկեր, որոնց գնահատման արդյունքում կարող ենք ասել՝ ֆիսկալ, թե կրիպտո ու կրիպտոն ինչ տեսքով»,- մասնավորապես նշեց Գալստյանը։
Պատգամավորը նաև հարց ուղղեց միջազգային օնլայն վճարումների վերաբերյալ, Օրնակ՝ Alipay, PaYpal համակարգերը։ Պատգամավորի խոսքով՝ օրինակ, հարևան Վրաստանում այս խնդիրը լուծվել է, իսկ մենք տարիներ է՝ ինչ խնդիր ունենք սրա վերաբերյալ։
«Որոշակի գործողություններ, իհարկե, իրականացնում ենք, բայց, կարծում եմ, քննարկման հավելյալ կարիք ունի»,- մասնավորապես նշեց ԿԲ նախագահի թեկնածուն։
Ազգային ժողովը քննարկում է կենտրոնական բանկի նախագահի ընտրության հարցը։
«Իմ քայլը» խմբակցության կողմից ներկայացվել է Մարտին Գալստյանի թեկնածությունը։
