14.05.2026 | 17:20
24 անշարժ գույք, 9,8 մլրդ դրամ, 1․8 մլն եվրո, 2․8 մլն դոլար․ ինչ է հայտարարագրել Գագիկ Ծառուկյանը
Բանկերը հաճախ դարձել են աղքատությունը ֆինանսավորող ինստիտուտներ․ պատգամավորը՝ ԿԲ նախագահի թեկնածուին. ՏԵՍԱՆՅՈՒԹ
Հասարակություն
16.04.2020 | 12:04
Մարդիկ, չունենալով հնարավորություն տնտեսապես զարգանալու, դիմում են բանկերին ու շատ հաճախ ֆանտաստիկ մեծ տոկոսադրույքով ու բարձր ռիսկայնության վարկեր են վերցնում, որը իր հերթին խորացնում է աղքատությունը։ Այսօր Ազգային ժողովում Կենտրոնական բանկի նախագահի ընտրության քննարկման ժամանակ հայտարարեց «Իմ քայլը» խմբակցության պատգամավոր Վիկտոր Ենգիբարյանը։
«Բանկերը հաճախ դարձել են աղքատությունը ֆինանսավորող ընկերություններ։ Ի՞նչ տեսլական ունեք դուք այս խնդրի հետ կապված»,- պատգամավորն իր հարցն ուղղեց ԿԲ նախագահի թեկնածու Մարտին Գալստյանն։
Վերջինս ընդգծեց, որ խնդրի լուծման առաջին տարբերակը հասարակությունում ֆինանսական գրագիտության բարձր մակարդակ ունենալն է․ «Եթե բանկային համակարգի մասին է խոսքը, ապա բանկային համակարգում էֆեկտիվ տոկոսադրույքը 24 տոկոսը չի գերազանցում։ Իսկ առողջ, կայացած բիզնեսների համար այդ տոկոսադրույթը շատ ավելի ցածր է։ Այդ առումով մենք շատ անելիքներ ունենք, որպեսզի բիզնեսը լինի բաց, թափանցիկ ու հասկանալի: Կունենանք աշխատող համակարգ, որի արդյունքում բանկերի կողմից վարկի տրամադրման ռիսկերը կզսպվեն, ու բանկերի կողմից տրամադրված վարկերի տոկոսադրույքները կլինեն շատ ավելի ցածր։ Վերջին 10 տարիների ընթացքում բանկերի կողմից տրամադրված վարկերի տոկոսադրույքները անշեղորեն նվազել են»։
Մանրամասները՝ տեսանյութում։
