20.04.2026 | 14:56
Վարչապետը ներկա է գտնվել Արթուր Աբրահամի անվան մանկապատանեկան մարզահամալիրի հիմնարկեքի արարողությանը
Թոշակառուներին ասենք՝ գնացեք, բանկոմատը պեղեք, գտեք, ազնիվ չի լինի․ Նաիրա Զոհրաբյան. ՏԵՍԱՆՅՈՒԹ
Հասարակություն
15.04.2020 | 14:07
Քանի դեռ մենք չունենք համապատասխան բանկային ենթակառուցվածքներ, սա լինելու է հերթական ընդունված և դարակում դրված նախագիծը։ Այս մասին այսօր Ազգային ժողովի նիստում հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը՝ անդրադառնալով կենսաթոշակների վճարման՝ բացառապես անկանխիկ տարբերակի անցնելու վերաբերյալ Կառավարության առաջարկած նախագծին։
Խոսքը Պետական կենսաթոշակների մասին ՀՀ օրենքում փոփոխություններ և լրացումներ կատարելու վերաբերյալ և կից ներկայացված նախագծերի փաթեթի մասին է։
«Հիմա նման պարտականություն դնել թոշակառուների վրա, որ նրանք ստիպված լինեն իրենց բնակավայրերից գնալ մոտակա բնակության վայր, պեղել, գտնել բանկոմատ, դա ուղղակի ազնիվ և արդար լուծում չի լինի։ Գաղափական իմաստով նախագիծը վատ չէ, բայց իրականացման առումով, հիմա կամ մի տարի, երկու տարի հետո լինելու է անիրականանալի»,- նշեց պատգամավորը։
Մանրամասները՝ տեսանյութում։
