28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
Ինչո՞ւ պետության պարտքերը չեք վճարում. Բաբաջանյանը՝ փոխնախարարին. ՏԵՍԱՆՅՈՒԹ
Քաղաքականություն
15.04.2020 | 13:33
Այսօր Ազգային ժողովի նիստում պատգամավոր Արման Բաբաջանյանը հարց ուղղեց աշխատանքի և սոցիալական հարցերի փոխնախարար Սմբատ Սաիյանին. «2009 թվականին Դուք, նախարարության վարչության պետի պաշտոնը զբաղեցնելու ընթացքում, վարձակալությամբ եք վերցրել հողատարածք՝ 2.5 հազար մետր Հրազդան հայանտառ ՊՈԱԿ-ից, և վճարը՝ տարեկան 60 հազար դրամ, չեք կատարել մինչև 2019 թվականը, տույժ-տուգանքով այդ գումարը դարձել է 529 հազար դրամ։ Պետությանը այդ պարտքը ստանալու համար դիմել է դատարան, այդ ի՞նչ պատմություն է, և ինչո՞ւ պետության պարտքերը չեք վճարում»:
Փոխնախարարն ավելի ուշ ունեցած ելույթում անդրադառնալով այս հարցին՝ նշեց, որ նման բան եղել է:
«Պարո՛ն Բաբաջանյան, Դուք ճիշտ եք, նման դեպք եղել է, սակայն Ձեր տեղեկատվությունը՝ պետության հանդեպ պարտք-պահանջ ունենալու մասին, այսպես ասենք, ժամանակավրեպ է։ Իսկ ինչի է պարտքը գոյացել, թույլ տվեք հարցին չպատասխանել»,- ասաց պաշտոնյան։
Մանրամասները՝ տեսանյութում:
