18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Արայիկ Հարությունյան՝ 88%, Մասիս Մայիլյան՝ 12%․ Արցախի ԿԸՀ նախագահը նոր տվյալներ է հրապարակել. ՏԵՍԱՆՅՈՒԹ
Քաղաքականություն
15.04.2020 | 12:18
Արցախի ԿԸՀ նախագահ Սրբուհի Արզումանյանը քիչ առաջ ներկայացրեց նախագահական ընտրությունների նախնական արդյունքները՝ 282 ընտրատեղամասերից ստացված տվյալների մշակումից հետո։
Մասիս Մայիլյանը, ըստ ԿԸՀ նախագահի, ստացել է 5728 ձայն կամ 12%: Արայիկ Հարությունյանը 3784 ձայնով գերազանցել է իր նախորդ ցուցանիշը, երկրորդ փուլում սացել է 39860 ձայն կամ 88%։ Անվավեր է ճանաչվել քվեարկած թերթիկների 3․97%-ը։
Ընտրությանը մասնակցելու իրավունք է ունեցել 104777 քաղաքացի, իսկ մասնակցել է 47165-ը։
«Տեղամասային ընտրական հանձնաժողովի գրանցամատյանի գրառումները թույլ են տվել եզրահանգումներ անել, որ առկա բացթողումները, խախտումները հիմնականում տեխնիկական բնույթի են եղել, և ընտրական պրոցեսի վերջնական ելքի վրա ազդել չէին կարող»,- հայտարարեց Արցախի ԿԸՀ նախագահ Սրբուհի Արզումանյանը։
Նա նշեց, որ նախորդ ընտրությունների համեմատ այս անգամ նորություններ են եղել՝ նոր քվեախցեր են տրամադրվել, տրամադրվել են խոշորացույցներ, ուղիղ հեռարձակումներ են իրականացվել ընտրատեղամասերից․ «Նախորդ ընտրություններից առանձնացան նաև այն առումով, որ անցկացվեցին ոչ սովորական կորոնավիրուսի պայմաններում։ Մարտի 31-ի կանխարգելման միջոցառումները իրականացվել են նաև ապրիլի 14-ին»։
Ապրիլի 15-ի ժամը 12-ից կարող են արդյունքները վիճարկվել։
