30.08.2026 | 20:49
«Մենք չենք կարող ավելի հայ լինել, քան իրենք՝ հայերը»․ Պեսկով
Ստացվում է՝ դեմ եք բռնությանը, բայց X, Y դեպքերում կողմ եք․ բանավեճ՝ Սրբուհի Գալյանի և Գևորգ Պետրոսյանի միջև. ՏԵՍԱՆՅՈՒԹ
Քաղաքականություն
14.04.2020 | 13:09
Պնդումը, որ բռնության հրապարակային քարոզը քրեականացնող օրինագծի նպատակը լավն է, բայց օրենքը լավը չէ, անհասկանալի է։ Այս մասին այսօր Ազգային ժողովի նիստում Կառավարության ներկայացրած ՀՀ քրեական օրենսգրքում լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների նախագծերի փաթեթի քննարկման ժամանակ նշեց արդարադատւթյան փոխնախարար Սրբուհի Գալյանը՝ անդրադառնալով «Բարգավաճ Հայաստան» խմբակցության պատգամավոր Գևորգ Պետրոսյանի ելույթին։
«Ձեր ասածներից ստացվում է, որ մենք դեմք ենք ցանկացած տեսակի բռնությանը, բայց, միևնույն ժամանակ, բերված օրինակները խոսում են այն մասին, որ այ՝ այս դեպքում անձի՝ Սահմանադրությամբ պաշտպանվող սոցիալական երաշխիքի ոտնձգության դեպքում բռնությունը թույլատրելի պետք է լինի։ Այսինքն՝ դեմ ենք, բայց X, Y բռնությանը կողմ ենք, որովհետև դա բխում է մեր պատմությունից, մենք հայ ենք, ունենք արժեքներ և այլն։ Ձեր ասածն ուղղակիորեն դա է։ Ոչ, մենք հայ ենք, մենք դա չենք մոռանում, մենք չենք ուրանում մեր պատմությունը, այո՛, ունենք Սահմանադրություն և խտրականության արգելք, որտեղ սահմանվում են որոշակի երաշխիքներ, և այո՛, այդ երաշխիքների, անձի դեմ ուղղված բռնության կոչերը պետք է քրեորեն պատժելի լինեն»,- նշեց փոխնախարարը։
Մանրամասները՝ տեսանյութում։
