11.01.2025 | 16:59
Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Պետք է հաշվի առնենք հայկական ավանդույթները, եկեղեցին, ընտանիքը․ Արման Աբովյանը՝ բռնության կոչերը քրեականացնելու նախագծի մասին. ՏԵՍԱՆՅՈՒԹ
Քաղաքականություն
14.04.2020 | 13:00
Նպատակը շատ լավն է, սակայն օրենքը մեկնաբանությունների տեղիք է տալիս։ Այս մասին այսօր Ազգային ժողովի նիստում Կառավարության ներկայացրած ՀՀ քրեական օրենսգրքում լրացում կատարելու մասին և ՀՀ քրեական դատավարության օրենսգրքում լրացում կատարելու մասին օրենքների նախագծերի փաթեթի քննարկման ժամանակ նշեց «Բարգավաճ Հայաստան» խմբակցության պատգամավոր Արման Աբովյանը։
«Ես արդարացնում եմ Նեմեսիսի մեր տղերքի գործողությունները, երբ ոչնչացվեցին թուրքական կառավարության ղեկավարները, Թեհլերյանը գնդակահարել է Թալեաթ Փաշային իր աշխարհայացքի համար, նա կարծում էր, որ հայերը պետք է ոչնչացվեն։ Հիմա ինչ՝ արդարացնո՞ւմ եմ, չե՞մ արդարացնում, սա ինչպե՞ս կարող է դիտարկվել։ Ըստ օրենքի՝ սա կարող է դիտարկվել բռնության արդարացում։ Հասկանում եմ, որ սա շատ ուռճացված է, կա ողջամտության կանխավարկած, բայց գոյություն ունեն իրավիճակներ, որոնք պետք է հաշվի առնենք»,- նշեց պատգամավորը:
Նա ընդգծեց, որ յուրաքանչյուր, հատկապես՝ այս տիպի օրենք ընդունելու դեպքում պետք է հաշվի առնել հայկական ավանդույթները, եկեղեցին, ընտանիքը, պատմությունը։
Մանրամասները՝ տեսանյութում։
