21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Կարող ենք ենթադրել, որ երկրագնդի վրա աստերոիդ կընկնի․ Ավինյանը՝ Սիմոնյանին. ՏԵՍԱՆՅՈՒԹ
Քաղաքականություն
13.04.2020 | 19:03
ԱԺ «Լուսավոր Հայաստան» խմբակցության պատգամավոր Տարոն Սիմոնյանը, շարունակելով արտակարգ դրության ժամկետի անվերջ երկարաձգման թեման, հարց ուղղեց ՀՀ պարետ, փոխվարչապետ Տիգրան Ավինյանին. «Պատկերացրեք՝ արտակարգ դրությունը հայտարարվում է ոչ թե համավարակի, այլ քաղաքացիական անհնազանդության, հեղափոխության շարժման հիմքով, և իշխանությունը, դա համարելով Սահմանադրական կարգի տապալման վտանգ, սա օգտագործելով, երկարաձգում է արտակարգ դրությունը՝ երկու, երեք, չորս անգամ, անընդմեջ։ Արդյո՞ք դա իրավաչափ է»:
«Պարո՛ն Սիմոնյան, եթե ենթադրությունների դաշտ սկսենք մտնել, կարող ենք ենթադրել, որ երկրագնդի վրա աստերոիդ կընկնի, և այդ դեպքում արդյո՞ք այն իրավական գործիքակազմը, որը մենք ունենք, բավարար չափով մեզ թույլ կտա արձագանքել։ Ես կարծում եմ, որ ամեն նմանատիպ մասշտաբային ֆորս մաժորի դեպքում գործում է իրավիճակից բխող կանոններ»,- արձագանքեց Ավինյանը։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
