20.01.2026 | 13:19
Ռուսաստանի նավթավերամշակման գործարաններ մղվող նավթի ծավալը նվազել է՝ հասնելով 15 տարվա ամենացածր մակարդակին
Ճգնաժամի դասերից է լինելու, որ սրանից հետո աշխատողներին գրանցեն․ Բաբկեն Թունյան. ՏԵՍԱՆՅՈՒԹ
Տնտեսություն
13.04.2020 | 18:51
ԱԺ տնտեսական հարցերի մշտական հանձնաժողովի նախագահ Բաբկեն Թունյանը չի կարծում, որ գրանցված և չգրանցված աշխատողները պետք է Կառավարությունից նույն աջակցությունը ստանան։ Այս մասին նա հայտարարեց ԱԺ հատուկ նիստում։
«Այդքան էլ ցանկալի չէ, որ գրանցվածն ու չգրանցվածը նույն տիպի աջակցություն ստանան ու հավասարության նշան դրվի նրանց միջև, բայց անգամ ցանկության դեպքում այդ հնարավորություն չկա։ Դրա համար, կարծում եմ, ավելի ճիշտ կլինի գրանցեն, և այս ճգնաժամից հետո մեր դասերից է լինելու, որ գրանցեն աշխատողներին»,- նշեց պատգամավորը։
Նա չի կիսում նաև այն կարծիքը, որ շատ չգրանցված աշխատողներ մեղավոր չեն, որ իրենց գործատուները չեն գրանցում. «Մեղքի որոշակի բաժին, այնուամենայնիվ, ունեն, բայց ես էլ եմ համաձայն, որ իրենց նույնպես պետք է աջակցություն ցույց տալ։ Բայց այստեղ ամենացավալին այն է, որ երբեմն մեղադրանքներ են հնչում այն մարդկանցից, ովքեր ունեն մի քանի տասնյակ չգրանցված աշխատողներ ու ամենաշատը իրենք են չգրանցված աշխատողների շահերի մասին մտածում։ Եթե այդպես է, ուրեմն պետք է առաջնահերթ իրենք գրանցեին այդ աշխատողներին»։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում։
