02.11.2024 | 10:07
ՀՀ տարածքում ավտոճանապարհներն անցանելի են
Երևանում բժշկական ծառայություն ստանալու համար քաղաքացին պետք է հասնի տաքսիով․ ինչպե՞ս է լուծվում այս հարցը․ Սրբուհի Գրիգորյանը՝ Տիգրան Ավինյանին. ՏԵՍԱՆՅՈՒԹ
Հասարակություն
13.04.2020 | 16:37
Գիտենք, որ որոշ պացիենտների առողջությունը կախված է բացառապես երևանյան ԲԿ-ներից, օրինակ՝ քիմիոթերապիա անցնող քաղաքացիները նախկինում մի քանի հոգով տաքսիներից էին օգտվում, որպեսզի հասնեն Երևան։ Հիմա մի քաղաքացին մի քիմիոթերապիա ընդունելու համար Սիսիանից Երևան հասնելու համար պիտի վճարի 15 հազար դրամ, ինչպե՞ս է լուծվում այս խնդիրը։ Նման հարց տվեց այսօր ԱԺ արտահերթ նիստում «Լուսավոր Հայաստան» խմբակցության պատգամավոր Սրբուհի Գրիգորյանը ՀՀ պարետ Տիգրան Ավինյանին։
Ավինյանը նշեց, որ հասարակական տրանսպորտի և մետրոյի արգելումը եղել է ամենադժվար, բայց և ամենակարևոր որոշումներից մեկը:
«Լավ կյանքից չի, որ այս միջոցները կիրառվում են, և սա ունի մի տրամաբանություն. այդ տրամաբանությունը հանրային առողջության պահպանումն է հնարավոր բոլոր լուծումներով, իսկ տեղային լուծումներ, կարծում եմ, հնարավոր է տալ, արդեն կոնկրետ դեպքերը հասկանալով և վերլուծելով»,- մասնավորապես նշեց նա:
Հիշեցնենք, որ Ազգային ժողովը արտահերթ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում:
