02.11.2024 | 10:07
ՀՀ տարածքում ավտոճանապարհներն անցանելի են
Մարդիկ չեն աշխատում, տանն են, իսկ տոկոսը պտտվում է․ Արման Աբովյանը՝ Տիգրան Ավինյանին. ՏԵՍԱՆՅՈՒԹ
Հասարակություն
13.04.2020 | 16:10
ԱԺ «Բարգավաճ Հայաստան» խմբակցության քարտուղար Արման Աբովյանի խոսքով՝ վարկերի տոկոսների հարցը դեռ շարունակում է անհանգստացնել բնակիչներին:
«Ի վերջո, վարկերի տոկոսների հարցը պետք է ինչ-որ կերպ լուծվի։ Այն տոկոսները, որոնք չեն կանգնեցվել արտակարգ դրության ժամանակ, քաղաքացիները ստիպված են լինելու հետո այդ տոկոսները մուծել։ Ստացվում է, որ տոկոսային և վարկային բեռի նվազում չի լինելու։ Մարդիկ չեն աշխատում, տանն են, բայց տոկոսները պտտվում են»,- ԱԺ արտահերթ նիստում նշեց պատգամավորը։
Դիտարկմանն արձագանքեց ՀՀ պարետ Տիգրան Ավինյանը՝ հիշեցնելով, որ վարկերի վճարման և տոկոսների վերաբերյալ բանկերի սահմանած անհատական մոտեցումն ու նշեց, որ դեռևս վաղ է տոկոսների չեղարկման մասին խոսելը։
«Նախ՝ վարկերը ստանում են ավանդներ, որոնք տեղաբաշխում են վարկերի տեսքով, ավանդատուները ստանում են իրենց տոկոսները։ Հիմա հասկանանք, եթե ասում ենք՝ տոկոսները չեղարկել, ավանդատուների տոկոսներն է՞լ ենք չեղարկելու, այն անձանց, ովքեր փողերը դրել են բանկերում, և ակնկալիք են ունեցել տարվա վերջում իրենց տոկոսները ստանալու»,- մասնավորապես նշեց Ավինյանը։
Հիշեցնենք, որ Ազգային ժողովը հատուկ նիստում քննարկում է արտակարգ դրության ռեժիմը 30 օրով երկարաձգելու վերաբերյալ «Հայաստանի Հանրապետությունում 2020 թվականի մարտի 16-ին հայտարարված արտակարգ դրության ժամկետը երկարաձգելու և Հայաստանի Հանրապետության կառավարության 2020 թվականի մարտի 16-ի N 298-Ն որոշման մեջ փոփոխություններ և լրացում կատարելու» մասին նախագիծը։
Մանրամասները՝ տեսանյութում:
