03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Գումարները բանկերում հասանելի են, բոլորը կարող են ստանալ. Զարուհի Բաթոյան. ՏԵՍԱՆՅՈՒԹ
Հասարակություն
13.04.2020 | 12:47
Կորոնավիրոսով պայմանավորված հղիներին տրվող աջակցման ծրագիրը կընդլայնվի: Այս մասին Կառավարության արտահերթ նիստի ժամանակ ասաց աշխատանքի և սոցիալական հարցերի նախարար Զարուհի Բաթոյանը:
Ծրագիրն ընդգրկել է նաև այն հղի կանանց, որոնց ամուսինները ոչ միայն ազատվել են աշխատանքից մարտի 13-ից մինչև մարտի 31-ն ընկած ժամանակահատվածում, այլ աշխատանքը կորցրել են ավելի վաղ, հղի կինն էլ չի աշխատում: Այս փոփոխության արդյունքում, նախնական հայտարարված շուրջ 3.800 շահառուի փոխարեն, աջակցություն կստանան 8 հազար շահառուներ:
Զարուհի Բաթոյանը նաև հայտնեց, որ 4-րդ ծրագրի շրջանակում մինչև 14 տարեկան 964 երեխա արդեն ստացել է միանվագ գումարային աջակցությունը:
Նախարարը հիշեցրեց, որ 4-րդ, 6-րդ և 7-րդ միջոցառումների ծրագրից օգտվելու համար դիմումներ ընդունելու անհրաժեշտություն չկա: Նրա խոսքով՝ 11.444 անձի փոխանցել են 929 միլիոն դրամի գումարային աջակցություն: Նախարարը հիշեցրեց նաև՝ 6-րդ ծրագրում ընդգրկված են այն շահառուները, որոնք մարտի 13-ից մինչև մարտի 31-ն ընկած ժամանակահատվածում ազատվել են աշխատանքից և նոր աշխատանք չեն գտել: Գումարը կարող են ստանալ չորս բանկերից, իսկ թե որ բանկից՝ կարող են ճշտել՝ ssa.am կայքում մուտքագրելով տվյալները:
Մանրամասները՝ տեսանյութում:
