17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Կառավարությունը կվճարի բնական գազի սպառման համար, եթե այն չի գերազանցում 10 000 դրամը և էլեկտրաէներգիայի սպառման համար, եթե չի գերազանցում 5 000 դրամը
Հասարակություն
13.04.2020 | 12:22
Կառավարությունը կորոնավիրուսի տնտեսական հետևանքների չեզոքացման տասնմեկերորդ միջոցառման ծրագիր է իրականացնում: Միջոցառման շահառու են բնական գազի մատակարարման և էլեկտրական էներգիայի մատակարարման պայմանագիր կնքած այն բնակիչ բաժանորդները, որոնց 2020 թվականի փետրվար ամսվա ծախսը չի գերազանցել՝ բնական գազի սպառման գծով 10 000 ՀՀ դրամը, էլեկտրական էներգիայի սպառման գծով՝ 5 000 ՀՀ դրամը:
Աջակցությունը տրամադրվում է սույն միջոցառման 2-րդ կետով նախատեսված յուրաքանչյուր բաժանորդի կողմից 2020 թվականի փետրվար ամսվա ընթացքում սպառված համապատասխանաբար՝ բնական գազի և էլեկտրական էներգիայի դիմաց վճարի 50% -ի չափով:
Սույն միջոցառման 3-րդ կետի համաձայն՝ որոշված ընդհանուր գումարը փոխանցվում է բնական գազ և էլեկտրական էներգիա մատակարարող ընկերություններին՝ միջոցառման շահառու համարվող բնակիչ բաժանորդներին հետագա փոխանցման պայմանով։
Ընդ որում՝ պարտքի առկայության դեպքում այդ գումարն ուղղվում է բնակիչ բաժանորդի ունեցած պարտքի մարմանը, իսկ դրա բացակայության դեպքում՝ ձևակերպվում որպես կանխավճար: Այս նախագիծն ընդգրկվել է կառավարության արտահերթ նիստում:
Նարեկ Կիրակոսյան
