26.09.2026 | 20:38
Քաղաքացին ընկել է ջրհորը. նա հոսպիտալացվել է
Անկարան Պեկինից բացատրություն է պահանջել ՀՀ ուղարկված բեռների վրա Արարատ լեռը հիշատակելու պատճառով
Քաղաքականություն
12.04.2020 | 21:09
Թուրքիան Չինաստանի իշխանություններից բացատրություն է պահանջել՝ կապված կորոնավիրուսի դեմ պայքարի շրջանակում Հայաստան ուղարկված չինական մարդասիրական օգնության բեռների վրա արված գրության հետ: Այս մասին գրում է Anadolu գործակալությունը:
Թուրքիայի ԱԳՆ ներկայացուցիչ Խամի Աքսոյի հաղորդմամբ՝ Անկարայում Չինաստանի դեսպան Դենգ Լիից և Չինաստանի ԱԳՆ-ից պահանջել են բացատրել, թե ինչու է մարդասիրական բեռի վրա հղում արվել Արարատ լեռանը:
Աքսոյի խոսքով՝ չին դեսպանը նշել է, որ դեպքը բազմակողմանի կուսումնասիրվի և թուրքական կողմին կտեղեկացվի արդյունքների մասին:
Հիշեցնենք, որ ապրիլի 8-ին Չինաստանից Հայաստան բերված մարդասիրական ծանրոցներից մի քանիսի վրա առկա էր հետևյալ գրությունը. «Թող մեր ընկերությունն ավելի բարձր լինի, քան Արարատ լեռն է և ավելի երկար, քան Յանցզի գետն է»։
