21.06.2026 | 16:29
Հայաստանի բասկետբոլի կանանց ընտրանին սկսում է պայքարը փոքր երկրների Եվրոպայի առաջնությունում
ԱՄՆ բոլոր 50 նահանգներում «աղետալի դրություն» է հայտարարվել․ CNN
Քաղաքականություն
12.04.2020 | 13:40
ԱՄՆ պատմության մեջ առաջին անգամ երկրի բոլոր 50 նահանգներում «աղետալի դրություն» է հայտարարվել: Այս մասին հայտնում է CNN– ը:
Աղբյուրի փոխանցմամբ՝ երկրում կորոնավիրուսային իրավիճակով պայմանավորված՝ «աղետալի դրության» մասին հռչակագիրը ԱՄՆ նախագահ Դոնալդ Թրամփը հաստատել է ապրիլի 11-ին: Հայտարարված դրությունը կտարածվի նաև Վիրջինյան կղզիների, Հյուսիսային Մարիանյան կղզիների, Կոլումբիայի, Գուամի, ինչպես նաև Պուերտո Ռիկոյի վրա։
Հավելենք, որ վերջին տվյալներով՝ ԱՄՆ-ն նոր կորոնավիրուսային պանդեմիայի ամենաշատ վարակակիրներն ունեցող երկիրն է։ Այնտեղ մինչ օրս գրանցվել է կորոնավիրուսով վարակման 533․115 դեպք։ Մահվան ելքերն ԱՄՆ-ում 20․580 են։
Նելլի Մելքոնյան
