21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մեծ Բրիտանիան կորոնավիրուսի դեմ պայքարին 249 մլն դոլար կուղղի. ամենաաղքատ երկրներին աջակցելը կօգնի կանխել վիրուսի վերադարձը սեփական երկիր. REUTERS
Քաղաքականություն
12.04.2020 | 13:33
Մեծ Բրիտանիան 200 միլիոն ֆունտ (249 միլիոն դոլար) կհատկացնի Առողջապահության համաշխարհային կազմակերպությանը (ԱՀԿ) և բարեգործական կազմակերպություններին՝ օգնելու դանդաղեցնել կորոնավիրուսի տարածումը խոցելի երկրներում և այդպիսով կանխել վարակի բռնկման երկրորդ ալիքը: Այս մասին հայտնում է Reuters-ը՝ հղում անելով տեղի իշխանություններին:
Աղբյուրի փոխանցմամբ՝ Մեծ Բրիտանիայից 130 միլիոն ֆունտ կտրվի ՄԱԿ-ի գործակալություններին, իսկ 65 միլիոն՝ ԱՀԿ-ին: Եվս 50 միլիոն ֆունտ կուղղվի Կարմիր խաչին՝ օգնելու պատերազմից ավերված և դժվար հասանելի տարածքներում ապրողներին: 20 միլիոն ֆունտ էլ կտրամադրվի այլ կազմակերպությունների և բարեգործությունների:
Մեծ Բրիտանիայում կարծում են, որ ամենաաղքատ երկրներին աջակցելը կօգնի կանխել վիրուսի վերադարձն իրենց երկիր:
Հավելենք, որ Մեծ Բրիտանիայում, վերջին տվյալներով, նոր կորոնավիրուսի վարակակիրների թիվը հասել է 78.991-ի, իսկ մահվան դեպքերինը՝ 9875-ի:
Նելլի Մելքոնյան
