23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Պուտինն ու Թրամփը նավթի շուկայում տիրող իրավիճակն են քննարկել. kremlin.ru
Քաղաքականություն
10.04.2020 | 22:02
Ռուսաստանի և ԱՄՆ նախագահներ Վլադիմիր Պուտինն ու Դոնալդ Թրամփն այսօր հեռախոսազրույց են ունեցել: Կրեմլի պաշտոնական կայքի փոխանցմամբ՝ զրույցը նախաձեռնել է ամերիկյան կողմը:
Աղբյուրի փոխանցմամբ՝ կողմերը կարծիքներ են փոխանակել նավթի համաշխարհային շուկայում տիրող իրավիճակի շուրջ, քննարկել են նավթի գների կայունացման նպատակով արդյունահանման ծավալները կրճատելուն ուղղված ՕՊԵԿ+-ի շրջանակում մշակվող պայմանավորվածությունը: Դոնալդ Թրամփը տեղեկացրել է նավթ արդյունահանող մի շարք երկրների ղեկավարների հետ իր զրույցների մասին:
Պայմանավորվածություն է ձեռք բերվել նաև շարունակել այս հարցի շուրջ ռուս-ամերիկյան խորհրդակցությունները:
Երկու երկրների ղեկավարներն անդրադարձել են նաև կորոնավիրուսի համաճարակի խնդրին, խոսել երկկողմ հարաբերություններին առնչվող արդիական հարցերից:
