22.05.2026 | 09:39
ԱԺ ԿԳՄՍ, երիտասարդության և սպորտի հարցերի հանձնաժողովի նիստը՝ ՈՒՂԻՂ
Գրականության և արվեստի թանգարանում կազմակերպում է «Փոքրիկ լրագրող» առցանց ակումբ
Հասարակություն
10.04.2020 | 22:12
Գրականության և արվեստի թանգարանը շնորհալի և հետաքրքրասեր դպրոցականների համար կազմակերպում է «Փոքրիկ լրագրող» առցանց ակումբը։ Այս մասին տեղեկացրին Գրականության և արվեստի թանգարանից։
«Եթե ունեք հետաքրքիրը տեսնելու և դրա մասին պատմելու ձիրք, հնարամիտ եք, աշխատասեր և նպատակասլաց, ապա սա հրաշալի հնարավորություն է ձեզ համար։ Եթե սիրում եք արվեստը, գրականությունն ու զրույցները դրանց շուրջ, ապա այս հարթակը ձեզ համար է:
Դուք կարող եք լրագրողական փոքրիկ հարցազրույցներ իրականացնել մայրիկի, հայրիկի կամ ընտանիքի այլ անդամների, ընկերների, ուսուցչուհու կամ ցանկացած այլ անձի հետ, ինչպես նաև՝ գրել հոդվածներ ձեր նախընտրած թեմաներով:
Ձեր լրագրողական աշխատանքները անհրաժեշտ է ուղարկել [email protected] էլեկտրոնային հասցեին. մենք կմշակենք այն և կհրապարականեք www.gatmuseum.am կայքում և թանգարանի պաշտոնական սոցիալական էջերում։
Ակումբի խոստումնալից մասնակիցների հետ առաջիկայում կշարունակվի պրոֆեսիոնալ թիմի աշխատանքը՝ թանգարանի կամարների ներքո։
Ակումբի ձևաչափին առավել մանրամասն ծանոթանալու համար կարող եք զանգահարել (+374) 77 00 16 00 հեռախոսահամարով՝ ամեն օր՝ ժամը 11:00-18:00»,- ասվում է հայտարարության մեջ։
