Շատ վարակաբաններ պնդում են, որ նոր տեսակի կորոնավիրուսը սեզոնայնություն չունի, և դրա տարածումը կախված չէ եղանակային պայմաններից։ Արդյո՞ք կարող ենք ակնկալել, որ օդի ջերմաստիճանի բարձրացումը կարող է կանխել վարակի տարածումը։ Այսօր մամուլի ասուլիսի ժամանակ լրագրողներից մեկի հարցին պատասխանեց առողջապահության նախարար Արսեն Թորոսյանը։
«Մենք հետևում ենք վիճակագրությանը և տեսնում ենք, որ առնվազն շատ տաք կլիմա ունեցող երկրներում դրա տարածման տեմպերն այնպիսին չեն, ինչպես, օրինակ, ավելի սառը կլիմա ունեցող երկրներում։ Նույն տրամաբանությամբ կարելի է ասել մյուս ռեսպիրատոր հիվանդությունների մասին: Իհարկե, դրանք չեն վերանում ամառային սեզոնին, բայց հիվանդացությունը, թվերը կտրուկ անկում են ապրում։ Կորոնավիրուսը, լինելով ռեսպերատոր վարակ, եթե ուղղակի զուգահեռ իրականացնենք մյուս վարակների հետ, հնարավոր է՝ ավելի քիչ թվեր ունենանք ամռանը»,- նշեց նախարարը՝ ընդգծելով, սակայն, որ դա չի նշանակում, որ աշնանն ու ձմռանը մեծ բռնկումներ չեն լինի:
Մանրամասները՝ տեսանյութում:
