Ամիրյանը չի պահել նախարարի իր խոսքը, նա պետք է վերադարձնի իմ գումարը, պատրաստ եմ հասնել մինչև ՄԻԵԴ. ռեժիսորը՝ քրեական գործի մասին

Լուրեր

21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
Բոլորը

«Արմեն Ամիրյանը ոչ թե պահանջել և ստացել է, այլ չարաշահելով փոխվստահության մթնոլորտը՝ խնդրել է ինձնից 6.800.000 դրամ գումար ՝ 2017թ. Կաննի կինոփառատոնից հետո պարտադիր վերադարձնելու պայմանով, սակայն չի վերադարձրել: Այս մասին բաց նամակով տեղեկացրել եմ ընդհուպ նախկին վարչապետ Կարեն Կարապետյանին: Դրանից հետո Ամիրյանը կրկին կանչել է ինձ իր մոտ, վկաների մասնակցությամբ նախարարի խոսք է տվել, որ կվերադարձնի գումարը, սակայն խոսքի տերը չի եղել և հրաժարական է տվել, գնացել է ԱՄՆ»,- Factor.am-ի հետ զրույցում մեկնաբանեց «Տատիկիս վարսերը» ֆիլմի ռեժիսոր Հովհաննես Գալստյանը:

Նշենք, որ ՀՀ քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժնում ՀՀ քրեական օրենսգրքի 179-րդ հոդվածի (յուրացում) 3-րդ մասի 1-ին կետով և 309-րդ հոդվածի (պաշտոնեական լիազորություններն անցնելը) 1-ին մասով քննվող քրեական գործով իրականացված մեծածավալ քննչական և այլ դատավարական գործողությունների արդյունքում պարզվել է, որ 2017թ. Կաննի կինոփառատոնին ՀՀ պատվիրակության մասնակցության ծախսերը հոգալու պատրվակով ՀՀ մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և միջնորդավորված, մաս-մաս ստացել է նշված ֆիլմի նկարահանումների համար նախատեսված գումարներից շուրջ 6.800.000 դրամ գումար: Քրեական գործն ուղարկվել է ՀՀ դատախազություն՝ ըստ քննչական ենթակայության ՀՀ հատուկ քննչական ծառայություն ուղարկելու միջնորդությամբ:

Կինոռեժիսորը հավելեց՝ ինքը տվյալ գործում ներգրավված է որպես տուժող, ասինքն՝ արդեն ճանաչվել է տուժող կողմ:

Հովհաննես Գալստյանի խոսքով՝ ամեն ինչ սկսվել է Արմեն Ամիրյանի օրոք. «Ամիրյանը պետք է գա, և այդ գումարը վերադարձնի, հետո արդեն դատարանով պետությանը կպարտադրվի «Տատիկիս վարսերը» ֆիլմի հանդեպ կատարել բոլոր պարտավորությունները: Իմ այս պայքարն արդեն երկուսուկես տարի է՝ շարունակվում է: Ես կես քայլ անգամ չեմ նահանջելու: Շատ ուրախ եմ, որ այսօր Հայաստանում հնարավոր է նախկին նախարարին ներգրավել դատական գործի մեջ, բայց եթե Հայաստանում չհասնենք արդարության, գնալու ենք մինչև ՄԻԵԴ»,-եզրափակեց ռեժիսորը:

Մենք փորձեցինք կապ հաստատել նաև մշակույթի նախկին նախարար Արմեն Ամիրյանի հետ: Արձագանքի դեպքում մեկնաբանությունը կներկայացնենք ընթերցողին:

Աննա Բաբաջանյան