22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Բորիս Ջոնսոնը վերակենդանացման բաժանմունքից դուրս է եկել. Reuters
Քաղաքականություն
10.04.2020 | 13:52
Մեծ Բրիտանիայի՝ կորոնավիրուսով վարակված վարչապետ Բորիս Ջոնսոնն ինտենսիվ թերապիայի բաժանմունքից դուրս է եկել։ Այս մասին տեղեկացնում է Reuters-ը՝ հղում տալով վարչապետի գրասենյակին։
Աղբյուրի փոխանցմամբ՝ Բորիս Ջոնսոնին հիվանդասենյակ են տեղափոխել, որտեղ հատուկ հսկողության տակ են պահում։
Վարչապետի գրասենյակից հայտնել են, որ նրա տրամադրությունը շատ լավ է։
Հիշեցնենք՝ մարտի 27-ին հայտնի էր դարձել, որ Մեծ Բրիտանիայի վարչապետը կորոնավիրուսով է վարակված: Բորիս Ջոնսոնն ինքնամեկուսացել էր: Ապրիլի 6-ին նրան շտապ հոսպիտալացրել էին և նշել, որ թոքերի արհեստական օդափոխության սարքին միացնելու կարիք կա:
Նելլի Մելքոնյան
