20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Պարետատունը վեց օր է՝ գանձապետական հաշվի մուտքերը չի հրապարակում
Տնտեսություն
09.04.2020 | 20:52
ՀՀ վարչապետ Նիկոլ Փաշինյանը «Կորոնավիրուսային վարակի կանխարգելման և հաղթահարման ապահովման համար ֆինանսական աջակցության» համար բացված գանձապետական հաշվեհամարին 500 հազար դրամ է փոխանցել: Այս մասին Factor.am-ի հարցին ի պատասխան՝ ասաց վարչապետի մամուլի խոսնակ Մանե Գևորգյանը:
Հիշեցնենք, որ Նիկոլ Փաշինյանը քաղաքացիների հետ հարցուպատասխանի ժամանակ անդրադառնալով բարեգործությանը՝ նշել էր, որ գործիչներից մեկը բարեգործության հաշվին սեփական անձն է գովազդում:
Անդրադառնալով գանձապետական հաշվեհամարին՝ նշենք, որ ապրիլի 3-ի դրությամբ փոխանցված ընդհանուր գումարը կազմում է 864 մլն 664 հազար 835 դրամ:
Ընդհանուր հաշվին գումար է մուտքագրել 3.346 անձ: Այս մասին Factor.am-ը տեղեկանում է պարետատան տարածած հաղորդագրությունից:
Ի դեպ՝ սա, ըստ կառավարության պաշտոնական կայքի, վերջին թարմացումն է գանձապետական մուտքերի վերաբերյալ: Նախկինում՝ մինչ ապրիլի 3-ը, ամենօրյա ռեժիմով թարմացումներ են եղել:
Նարեկ Կիրակոսյան
