22.05.2026 | 08:47
ԱԱԾ-ն մտել է «Մայր Հայաստան»-ի գրասենյակ և փորձել ձերբակալել Անդրանիկ Թևանյանին․ ՏԵՍԱՆՅՈՒԹ
Ինքնամեկուսացված անձինք անհրաժեշտության դեպքում ապահովվում են սննդով․ Բագրատ Բադալյան. ՏԵՍԱՆՅՈՒԹ
08.04.2020 | 16:37
Քաղաքացիների տեղորոշումը որոշող համակարգի միջոցով կորոնավիրուսով վարակված անձանց վերաբերյալ հարցում է անցկացվում և տրամադրվում են միայն հիվանդի հետ շփում ունեցող կամ առնչվող անձանց վերաբերյալ տվյալներ։ Այս մասին այսօր հրավիրված ասուլիսի ժամանակ հայտնեց պարետ Տիգրան Ավինյանի խորհրդական Բագրատ Բադալյանը։
Նրա խոսքով՝ հավաքագրված և մշակված տվյալները հասանելի են միայն այդ համակարգով աշխատող մարդկանց։
«Դրանք համադրվում են նաև բժիշկների կողմից իրականացված հարցազրույցներով պարզված շփման շրջանակի հետ, և իրականացվում է լրացուցիչ հարցազրույց։ Այն անձինք, որոնք ֆիզիկապես շփում են ունեցել հիվանդի հետ, այդ անձինք ևս ինքնամեկուսացվում են»,- նշեց նա։
Բադալյանը նաև տեղեկացրեց, թե ինչ միջոցառումներ են իրականացվում ինքնամեկուսացված անձանց վերաբերյալ. «Պարբերաբար հիվանդի առողջական վիճակի մասին հավաքագրվում է տեղեկություն, նաև սննդի անհրաժեշտության վերաբերյալ տվյալների հավաքագրում, եթե անհրաժեշտություն է առաջանում սննդի տրամադրում տվյալ անձին և նրա ընտանիքին։ Բացի այս՝ մենք պարբերաբար հաղորդագրություն ենք ուղարկում ինքնամեկուսացված անձանց, որոնք համապատասխան հղումով անցնում են և պատասխանում հարցերի, այնուհետև լուսանկարվում են, որպեսզի հավաստիանանք, որ դա այդ անձն է։ Այդ ընթացքում նաև հավաքագրվում է տեղեկատվություն իրենց գտնվելու վայրի մասին, որով մենք հավաստիանում ենք, որ իրենք չեն լքել ինքնամեկուսացման վայրը»։
Մանրամասները՝ տեսանյութում:
