28.03.2026 | 13:55
Օդեսայում ռուսական օդային հարվածների պատճառով վնասվել է ծննդատունը․ կա զոհ
Գործիքներ ենք մշակում՝ մեր ռազմարդյունաբերական արտադրանքով կարողանանք ներկայանալ արտերկրում․ նախարար. ՏԵՍԱՆՅՈՒԹ
Տնտեսություն
08.04.2020 | 14:03
Ռազմարդյունաբերության համալիրի աշխատանքը շարունակվում է, խոսքը բարձր տեխնոլոգիական, գերժամանակակից արտադրանքի մասին է, որն ամբողջությամբ նախագծվել է Հայաստանում։ Այս մասին այսօր մամուլի ասուլիսի ժամանակ հայտարարեց ՀՀ բարձր տեխնոլոգիական արդյունաբերության նախարար Հակոբ Արշակյանը:
Նա, սակայն, չցանկացավ արտադրանքի մասին հավելյալ տեղեկություններ հաղորդել։
Անդրադառնալով լրագրողի հարցին՝ հնարավո՞ր է այդ արտադրանքով ներկայանալ միջազգային շուկաներում, նախարարը պատասխանեց, որ ռազմարդյունաբերության համալիրի զարգացման ծրագրում այդպիսի առանձին բլոկ կա, որը վերաբերում է արտերկրում ներկայացնելուն:
«Գործիքներ ենք մշակում, որպեսզի մեր ռազմարդյունաբերական արտադրանքով կարողանանք ներկայանալ արտերկրում։ Կներկայացնենք մեր գործընկերներին և վարչապետին, որպեսզի գործիքակազմը ստեղծվի, և կարողանանք ներկայանալի լինել արտերկրում»,- եզրափակեց Հակոբ Արշակյանը։
Մանրամասները՝ տեսանյութում:
