10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
«Կորոնավիրուսը մարդու 4 օրգան համակարգ է ախտահարում»․ ախտաբան. ՏԵՍԱՆՅՈՒԹ
07.04.2020 | 18:28
Կարելի է ենթադրել, որ COVID-9-ը նույն սարս վիրուսի՝ գենետիկորեն մոդիֆիկացիայի ենթարկված տեսակն է, և, հավանական է, որ սա բնածին վիրուս է։ Այս մասին այսօր «Կորոնավիրուս․ տեսանելի ու անտեսանելի վտանգներ» թեմայով վեբինարի ընթացքում նշեց Երևանի գլխավոր ախտաբան, ախտաբանների ասոցացիայի նախագահ Արմեն Մխիթարյանը։
«Ինձ թվում է, որ նույնիսկ եթե այն արհեստածին լինի, ինչը ժամանակակից տեխնիկայի պայմաններում հնարավոր է, չեմ կարծում, որ այդ փաստը լայն հրապարակում ստանա։ Սակայն, երևի թե հավանական է, որ սա բնածին է, այսինքն՝ այն վիրուսակիր կենդանիների բջիջներում պարբերաբար գենետիկական ինֆորմացիայի փոփոխության է ենթարկվում, նոր հատկություններ ստանում ու մարդկությանը նման անակնկալներ մատուցում»,- ասաց Արմեն Մխիթարյանը։
Հարցին, թե կորոնավիրուսը մարդու օրգանիզմն ինչ փոփոխությունների է ենթարկում, ախտաբանը պատասխանեց․ «Կորոնավիրուսով վարակված պացիենտների մոտ ախտահարվում են թոքերը, սրտամկանը, նկատվում է լյարդի ֆունկցիոնալ խանգարում, ինչպես նաև ստամոքսաղիքային խանգարման երևույթներ։ Այսինքն՝ 4 օրգան համակարգ է ախտահարում վիրուսը։ Այնուամենայնիվ, մարդու մահվան անմիջական պատճառը սուր շնչառական անբավարարությունն է»։
Մանրամասները՝ տեսանյութում։
Նելլի Մելքոնյան
