08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Նկարում են իտալական 5000 դրամանոց լոլիկը, ասում են՝ թանկացավ, այնինչ կողքը 750 դրամով լոլիկ ունենք․ ՏՄՊՊՀ նախագահ. ՏԵՍԱՆՅՈՒԹ
Տնտեսություն
07.04.2020 | 12:52
ՏՄՊՊՀ-ն օրենսդրությամբ իրավասություն չունի գները կարգավորելու, այդ ֆունկցիան Հայաստանում որևէ մարմին չունի։ Այս մասին այսօր ԱԺ տնտեսական հարցերի մշտական հանձնաժողովի նիստում նշեց ՏՄՊՊՀ նախագահ Գեղամ Գևորգյանը՝ պատասխանելով «Լուսավոր Հայաստան» խմբակցության պատգամավոր Արկադի Խաչատրյանի՝ առաջնային անհրաժեշտության ապրանքների թանկացումների վերաբերյալ հարցին։
«Գնաճի հետ մենք որևէ առնչություն չունենք։ Մենք գերիշխող դիրք ունեցող, կամ մենաշնորհային կամ շուկայական իշխանություն ունեցող տնտեսվարողների վարքագիծը կարգավորող մարմին ենք»,- նշեց Գևորգյանը։
Նա ընդգծեց, որ 1-2 օրում հնարավոր չէ ինչ-որ կարգավորումներ անել, դրա համար հստակ ժամանակահատված կա. «Մենք 44 ապրանքային շուկայում ամենօրյա ռեժիմով անցկացնում ենք դիտարկում, նաև մարզպետարանների աշխատակիցների միջոցով։ Բայց երբ նկարում են իտալական սորտի լոլիկը և ասում են՝ 5.000 դրամ է, այնինչ մենք կողքին 750 դրամով լոլիկ ունենք, սա բերում է նախ նրան, որ հանձնաժողովը նամակներով ծանրաբեռնվում է, երկրորդ՝ տպավորություն է ստեղծվում, որ համատարած ամեն ինչ թանկացել է, համատարած դեֆիցիտ է լինելու, վատ է լինելու։ Սա, իհարկե, չի նշանակում, որ մենք երկու ամիս սպասելու ենք, մենք մեխանիկական աշխատանք ենք կատարելու, որի փաստացի իրավասությունը չունենք: Մենք առանց որևէ պաշտոնական գրության՝ տնտեսվարողներից ամեն օր տեղեկություններ ենք ստանում, այսինքն՝ կարող է չտային, ասեին՝ վարույթ սկսի, ուզի»,- մասնավորապես նշեց ՏՄՊՊՀ նախագահը։
Մանրամասները՝ տեսանյութում:
