30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Ադրբեջանում կորոնավիրուսից «պաշտպանվելու» համար մեթիլային սպիրտի օգտագործումից 8 մարդ է մահացել
Քաղաքականություն
06.04.2020 | 18:30
Ադրբեջանում 8 մարդ մահացել է մեթիլային սպիրտի օգտագործումից։ Այս մասին հաղորդում են ադրբեջանական լրատվամիջոցները։
Նշվում է, որ մարտի 21-ից Բաքվի կլինիկական բժշկական կենտրոնի թունաբանության բաժանմունք «մեթիլային սպիրտից թունավորում» ախտանիշով հիվանդանոց է ընդունվել 13 մարդ։ Թունաբանության բաժանմունքի վարիչ Ազեր Մաղսուդովի խոսքով՝ նրանցից 8-ը մահացել է։
Մարդիկ սպիրտը խմել են՝ կորոնավիրուսից «պաշտպանվելու» համար։
Հավելենք, որ վերջին օրերին Ադրբեջանում կորոնավիրուսով վարակվածների թիվը կտրուկ աճել է։ Նախարարների կաբինետին կից օպերատիվ շտաբի տվյալներով՝ այսօր Ադրբեջանում կորոնավիրուսով վարակվածների 57 նոր դեպք է գրանցվել։ Կորոնավիրուսով հիվանդների ընդհանուր թիվը հասել է 641-ի, 44 պացիենտ առողջացել է, 590-ը շարունակում է բուժումը հատուկ ռեժիմի հիվանդանոցներում: 11 պացիենտի վիճակը ծանր է, 17-ինը՝ միջին ծանրության, մյուսներինը՝ կայուն։
Ընդհանուր առմամբ, արդեն 7 մարդ է մահացել կորոնավիրուսից։ Մահվան վերջին երկու դեպքերը գրանցվել են երեկ։ Կորոնավիրուսից զատ՝ հիվանդներն ունեցել են ուղեկցող հիվանդություններ։
Ադրբեջանի տարբեր կարանտինային գոտիներում բժիշկների հսկողության տակ 4.369 մարդ կա: Կորոնավիրուսի հայտնաբերման համար անցկացվել է 45.000-ից ավելի թեստ։
Էմմա Չոբանյան
