30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Փոթիի շուկայում թղթադրամներն ախտահանում են տաք հարթուկի միջոցով. newsgeorgia.ge
Քաղաքականություն
06.04.2020 | 11:38
Փոթիի գյուղատնտեսական շուկայի մուտքի մոտ տեղադրվել է փողի ախտահանման կետ։ Այս մասին տեղեկացնում է newsgeorgia.ge-ն՝ հղում կատարելով batumelebi օնլայն պարբերականին։
Այստեղ թղթադրամները ախտահանում են տաք հարթուկի միջոցով, իսկ մետաղադրամները՝ հակասեպտիկներով։
Կորոնավիրուսային համաճարակի պայմաններում Փոթիի շուկայի տնօրենը կարգադրել է միջոցներ ձեռնարկել վարակի տարածումից խուսափելու համար։ Այն դեպքում, երբ անձը հրաժարվում է կանխիկ միջոցները ախտահանելուց, նրանց չի թույլատրվում մուտք գործել տվյալ տարածք։
Նշենք, որ այս շաբաթ կորոնավիրուս է հաստատվել Վրաստանի ազգային բանկի պահեստարանի յոթ աշխատակիցների մոտ: Վարակի աղբյուրը հայտնի չէ: Փորձագետները չեն բացառում, որ վիրուսը փոխանցվել է թղթի միջոցով:
Հատկանշական է, որ փողն ախտահանելու համար տաք հարթուկի օգտագործումն առաջարկել է Վրաստանի հիվանդությունների վերահսկման և հանրային առողջության ազգային կենտրոնի ղեկավարի տեղակալ Պաատա Իմնաձեն։
