Տնտեսություն
04.04.2020 | 14:48
ԱՄՆ Հայ Դատի հաձնախումբը ԱՄՆ պետքարտուղար Մայքլ Պոմպեոյին կոչ է արել Կոնգրեսի կողմից հաստատված՝ Հայաստանին տրվող օգնության փաթեթից 25 միլիոն դոլարը հատկացնել որպես նոր կորոնավիրուսի դեմ պայքարի համար տրվող ֆինանսական օգնություն՝ անհրաժեշտ բժշկական սարքավորումներ և տեխնիկա գնելու, ինչպես նաև ռիսկային գոտում գտնվող ընտանիքներն աջակցելու համար։ Այս մասին տեղեկանում ենք ԱՄՆ Հայ Դատի հանձնախմբի (ANCA) կայքից:
ԱՄՆ պետդեպարտամենտին ուղարկված նամակում Հայ դատի հանձնախմբի նախագահ Րաֆֆի Համփարյանն ԱՄՆ հայ համայնքի անունից երախտագիտություն է հայտնել նախնական 1․1 միլիոն դոլարի հատկացման համար:
Հիշեցնենք՝ ավելի վաղ հայտնի էր դարձել, որ ԱՄՆ պետքարտուղարությունը և Միջազգային զարգացման գործակալությունը նախատեսում են Հայաստանին 1.1 միլիոն ԱՄՆ դոլար տրամադրել:
Նելլի Մելքոնյան
