17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Այս նախագիծը կյանքի ենք կոչում մեր քաղաքական հեղինակության և վարկանիշի հաշվին․ Արարատ Միրզոյան
Քաղաքականություն
31.03.2020 | 22:52
Քաղաքացիների զանգերը և տեղորոշումը ֆիքսելու մասին նախագիծը Կառավարությունը կյանքի է կոչում՝ իր քաղաքական հեղինակության և իր վարկանիշի հաշվին։ Այս մասին այսօր ԱԺ արտահերթ նիստում հայտարարեց ԱԺ նախագահ Արարատ Միրզոյանը։
«Մենք ամեն վայրկյան այս միջոցառումները կատարելիս կորցնելու ենք մեր հեղինակությունը, բայց փրկելու ենք մարդկային կյանքեր։ Սա է դրված սեղանին։ Եթե Կառավարությունը նույնիսկ մանանա էլ իջեցնի երկնքից, այդ բոլորն անիմաստ կլինի, եթե քաղաքացիները ընդառաջ չգնան Կառավարությանը»,- ասաց նա։
Արարատ Միրզոյանն ընդգծեց, որ եթե մարդիկ չենթարկվեն, Կառավարության ոչ մի ջանք օգուտ չի տա:
«Ես ժամանակ ունեցա ֆեյսբուքը թերթելու։ Խելագարվելու բան, գիտեք՝ ինչ են առաջարկում մեր սրամիտ քաղաքացիներից մի քանիսը։ Ասում են՝ ավիառեժիմի վրա դրեք, չի երևալու, է՝ ավիառեժիմի վրա դրեք, գնացեք հարսանիք, ի՞նչ ասեմ, տենց ո՞նց կլինի»,- նշեց ԱԺ նախագահը՝ հորդորելով քաղաքացիներին սթափ գնահատել իրավիճակը և հետևել պարետի ցուցումներին։
Մանրամասները՝ տեսանյութում:
