03.06.2026 | 19:01
«Հանրապետություն» կուսակցության քարոզարշավը․ ՈՒՂԻՂ
Վիգեն Սարգսյանը՝ իր զինծառայության շուրջ կասկածների մասին
03.11.2017 | 19:04
ՀՀ Ազգային ժողովի պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ դռնափակ նիստում այսօր պաշտպանության նախարար Վիգեն Սարգսյանը ներկայացրեց իր ղեկավարած գերատեսչության ծախսերն ու եկամուտները:
Մինչ նիստի մեկնարկը նախարարը լրագրողներին խոստացավ՝ եթե նիստը երկար չտևի, ապա կպատասխանի հարցերին: Ավելի քան երկու ժամ տևած քննարկումից հետո, սակայն, Վիգեն Սարգսյանը համաձայնեց պատասխանել ընդամենը մեկ հարցի: Հնչեցված հարցին՝ եթե հրապարակվեն բոլոր այն փաստաթղթերը, որոնք հիմք են հանդիսացել նախարարին 1993-2000 թվականներին պարտադիր ժամկետային զինվորական ծառայությունից տարկետում տալու համար, ապա կվերանա՞ն կասկածները, որ նախարարը խախտումներով չի ստացել տարկետման իրավունքը, Վիգեն Սարրգսյանն ընդամենը պատասխանեց. «Այո՛, կվերանան» և արագ հեռացավ: Հիշեցնենք՝ ընդդիմադիր «Ելք» խմբակցության ղեկավար Նիկոլ Փաշինյանը դիմել է ՀՀ Զինվորական կոմիսար Հենրիկ Մուրադյանին՝ խնդրելով օրենքով սահմանված կարգով իրեն տրամադրել բոլոր այն փաստաթղթերը, որոնք հիմք են հանդիսացել պաշտպանության գործող նախարար Վիգեն Սարգսյանին՝ 1993-2000 թվականը պարտադիր ժամկետային զինվորական ծառայությունից տարկետում տալու համար»։
Շողիկ Գալստյան
