12.06.2026 | 01:05
ԱԱ-2026․ Երեք կարմիր քարտ ու տանտերերի հաղթանակ՝ բացման խաղում․ ՏԵՍԱՆՅՈՒԹ
Դուք հայտնի կայքերում լավ մանիպուլյատիվ վերնագրեր կդնեիք, պարո՛ն Գորգիսյան․ Տաթևիկ Հայրապետյան. ՏԵՍԱՆՅՈՒԹ
Քաղաքականություն
31.03.2020 | 13:41
ԱԺ «Իմ քայլը» խմբակցության պատգամավոր Տաթևիկ Հայրապետյանին վրդովվեցրել է «Լուսավոր Հայաստան» խմբակցության պատգամավոր Գևորգ Գորգիսյանի ֆեյսբուքյան գրառումը, որտեղ վերջինս անդրադարձել է Հայրապետյանի՝ այսօր ԱԺ արտահերթ նիստում ունեցած ելույթին։
«Հարգելի՛ քաղաքացիներ, պարզվում է՝ պետք է շնորհակալ լինենք, որ Կառավարությունը վաղուց չի վերահսկում բոլորիս»,- գրել է պատգամավորը Տաթևիկ Հայրապետյանի՝ «Եթե այս կառավարությունը կամ իշխանությունը որևէ վերահսկողություն մտցնելու խնդիր ունենար, դա շատ վաղուց արած կլիներ» արտահայտության վերաբերյալ։
Իմքայլական պատգամավորն ԱԺ ամբիոնից հակադարձեց՝ իր խոսքը մանիպուլացվել է:
«Ելույթ ես ունենում, հետո մտածում ես՝ ինչո՞ւ է ԼՀԿ պատգամավոր պարոն Գորգիսյանը շարունակ մանիպուլացնում, հետո տեսնում ես, որ վայրկենական մանիպուլացրել է նաև քո ելույթը։ Պարո՛ն Գորգիսյան, Դուք այն հայտնի կայքերում լավ վերնագրեր կդնեիք մանիպուլյատիվ, իմ խոսքերը մանիպուլացրել, դրել եք ու որոշել, որ փայլուն քաղաքական մանիպուլյացիա եք անում, մանիպուլյացիան ու սո՞ւտն են Ձեր գործիքները։ Ես Ձեզ համար անկեղծորեն ցավում եմ, որովհետև ստի ոտքը կարճ է, մանիպուլյացիան էլ ընդամենը փուչիկ է, որը պայթում է»,- հայտարարեց Տաթևիկ Հայրապետյանը։
Մանրամասները՝ տեսանյութում:
