02.02.2026 | 14:54
Կրեմլը հաստատել է՝ Աբու Դաբիում փետրվարի 4-5-ը երկրորդ եռակողմ հանդիպումը տեղի կունենա
Ալեքսեյ Նավալնին հայց է ներկայացրել Պուտինի դեմ
Հասարակություն
03.11.2017 | 20:41
Ռուս ընդդիմադիր գործիչ Ալեքսեյ Նավալնին ՌԴ Նախագահ Վլադիմիր Պուտինի դեմ հայց է ներկայացրել դատարան՝ ՌԴ տարբեր քաղաքներում հանրահավաքներ անցակցնելու հարցում տեղական իշխանությունների կողմից ստացված մերժումների հարցով. փոխանցում է interfax.ru-ն:
«Դատարան է ներկայացվել հայց Ռուսաստանի նախագահի գործողությունները և անգործությունը անօրինական ճանաչելու մասին»,-գործակալությանը հայտնել է դատարանի մամուլի քարտուղար Անաստասիա Դզյուրկոն:
Ինչպես ավելի վաղ ասել էր Նավալնին՝ տեղական իշխանությունները «գործում են կազմակերպված և Մոսկվայի հստակ ցուցումների համաձայն»: «Կպահանջենք հարցաքննել ականատես պաշտոնյաներին և կապացուցենք, որ այդ բոլոր հրահանգներն արձակել է անձամբ Պուտինը, ուրիշ որևէ մեկը պարզապես չէր կարող դա անել»,- իր բլոգում գրել էր ընդդիմադիր գործիչը:
