22.05.2026 | 14:13
Քաղհասարակության նկատմամբ անհանդուրժողականությունը վտանգում է ժողովրդավարությունը․ ՄԻՊ
Հակառակորդի կրակոցից վիրավորված երեխայի կյանքին վտանգ չի սպառնում․ «Սուրբ Աստվածամայր» ԲԿ խոսնակ
Հասարակություն
31.03.2020 | 11:57
Տավուշի մարզի Ոսկեվան գյուղում հակառակորդի գնդակից վիրավորված դպրոցականի վիճակը կայուն է, գանգատներ չունի, կյանքին վտանգ չի սպառնում: Այս մասին տեղեկացնում է «Սուրբ Աստվածամայր» ԲԿ մամուլի խոսնակ Գևորգ Դերձյանը։ Ֆեյսբուքյան գրառմամբ Դերձյանը հայտնում է, որ երեխան դեռ գտնվում է «Սուրբ Աստվածամայր» ԲԿ-ի վերակենդանացման բաժանմունքում և երկրորդ վիրահատության անհրաժեշտություն բժիշկներն այս պահին չեն տեսնում:
Հիշեցնենք՝ երեկ հայտնի էր դարձել, որ 19:00-ի սահմաններում Տավուշի մարզի Ոսկեվան գյուղում հակառակորդի կրակոցից 10-րդ ասարանի աշակերտ է վիրավովել։ Factor.am—ի հետ զրույցում Ոսկեվանի գյուղապետ Վոլոդյա Ղազինյանը նշել էր, որ դեպքը տեղի է ունեցել գյուղի վերջնամասում՝ դեպի Կոթի տանող ճանապարհին: Նա հայտնել էր, որ տղան 10-րդ դասարանի աշակերտ է. «Փամփուշտը կպել է պատին բեկոր է առաջացել, որն էլ կպել է երեխուն»:
