03.06.2026 | 20:00
Զորամասից՝ տեղամաս․ ինչպես են քվեարկելու զինծառայողները. ՏԵՍԱՆՅՈՒԹ
Հայ-ռուսական ռազմատեխնիկական համագործակցության շրջանակում Հայաստան ՌԴ-ից պատվիրակություն է ժամանել
Տնտեսություն
03.11.2017 | 19:22
Ի կատարումն Հայ-ռուսական ռազմատեխնիկական համագործակցության միջկառավարական հանձնաժողովի 12-րդ նիստի արձանագրության` հոկտեմբերի 30-ից նոյեմբերի 3-ը աշխատանքային այցով Հայաստանի Հանրապետությունում էր Ռուսաստանի Դաշնության «Կորպորացիա Իրկուտ» ընկերության պատվիրակությունը:
Այցի ընթացքում պատվիրակության անդամները հանդիպել են ՀՀ պաշտպանության նախարարի տեղակալ-Ռազմարդյունաբերության պետական կոմիտեի նախագահ Դավիթ Փախչանյանի և ՀՀ զինված ուժերի գլխավոր շտաբի պետի տեղակալ, գեներալ-լեյտենանտ Ստեփան Գալստյանի գլխավորած խմբի հետ:
Հանդիպման ընթացքում կողմերը կարևորել են հայ-ռուսական ռազմատեխնիկական համագործակցության միջկառավարական հանձնաժողովի 12-րդ նիստի արձանագրության դրույթների իրականացումը, ինչպես նաև բազմակողմանի համագործակցության զարգացումը ՀՀ պաշտպանության նախարարության և ՌԴ «Կորպորացիա Իրկուտ» ընկերության միջև:
Բանակցությունների արդյունքում ստորագրվել է համապատասխան արձանագրություն:
