04.08.2026 | 17:41
Զելենսկին հայտարարել է Ադրբեջանի ինքնիշխանությանն աջակցելու, Հայաստանի հետ հարաբերությունները վերականգնելու մասին
Արքայազն Չարլզն ինքնամեկուսացումից դուրս է եկել․ The Independent
Քաղաքականություն
30.03.2020 | 19:32
Ուելսի արքայազն Չարլզն ինքնամեկուսացումից դուրս է եկել։ Այս մասին հայտնում է The Independent-ը։
Չարլզի 72-ամյա կինը, որը նույնպես թեստավորում էր անցել ու դրական արդյունք գրանցել, մինչև շաբաթվա վերջ ինքնամեկուսացված կմնա։
Արքայազն Չարլզի առողջական վիճակը լավ է, և նա հետևում է կառավարության սահմանափակումներին․ հայտնում է The Independentը՝ հղում տալով Բուքինգհեմյան պալատի պաշտոնյաներից մեկին։
Հիշեցնենք՝ մարտի 25-ին հայտնի էր դարձել, որ Ուելսի արքայազնը կնոջ հետ մեկ շաբաթով ինքնամեկուսացել է Շոտլանդիայում՝ այն բանից հետո, երբ նրա մոտ թեթև նախանշաններ են հայտ եկել, իսկ կորոնավիրուսի թեստի արդյունքը՝ դրական եղել։
Հավելենք, որ պաշտոնական տվյալներով՝ Մեծ Բրիտանիայում նոր կորոնավիրուսով վարակվածների թիվը 19․772 է, իսկ մահվան ելքերինը՝ 1231։
Աղբյուրը տեղեկացնում է, որ բրիտանական կառավարության ցուցումով՝ նախանշաններ ունեցող անձինք պետք է ինքնամեկուսացվեն մեկ շաբաթով, իսկ նրանց հետ նույն տանը բնակվողները՝ երկու շաբաթով։
Նելլի Մելքոնյան
